Iker Casillas ka tërhequr kandidaturën e tij për president të Federatës Spanjolle të futbollit.
Portieri, i cili së fundmi pati probleme shëndetësore, bëri të ditur se do të garonte ndaj presidentit aktual Luis Rubiales në muajin shkurt por ditën e sotme ai është tërhequr papritur nga gara.
Këtë vendim legjenda e Real Madrid, e ka argumentuar se në këto zgjedhje nuk garantohet një proces zgjedhor i drejtë dhe transparent.
Kështu, në garë për kreun e RFEF mbetet Luis Rubiales, president që prej majit të vitit 2018. Zgjedhjet e reja pritet të zhvillohen më 17 gusht, ndërkohë që më parë në korrik do të krijohet asambleja. Sikurse kuptohet, Rubiales është drejt rikonfirmimit.
COMUNICADO OFICIAL pic.twitter.com/ag9CKjFDr0
— Iker Casillas (@IkerCasillas) June 15, 2020
