Jasir Asani ka ndihmuar skuadrën e tij, AIK, të fitoi me rezultatin 0-2 kundër Orebro ndeshje e vlefshme për kampionatin suedez të futbollit.
Në minutat shtesë, 25-vjeçari nuk ngurroi të gjuante drejt portës nga jashtë zone duke realizuar një gol me të vërtetë të veçantë duke mos i lënë asnjë shans për portierin kundërshtar, që u detyrua të nxirrte topin nga rrjeta.
Edhe te Partizani gëzohen për golin e Asanit, pasi sulmuesi është në huazim tek AIK. Suedezët duhet të binden, që ta blejnë në fund të sezonit. Në kampin e kuq shpresojnë që kjo të ndodhë dhe të arkëtojnë të ardhura të rëndësishme, që në këto momente janë të domosdoshme.
