Një 31-vjeçar i shpallur në kërkim ndërkombëtar është vënë në pranga në kuadër të operacionit “PRIMO”, pas bashkëpunimit të policisë Fier, Interpol Tirana dhe zyra ndërlidhëse Interforza.
Burime bëjnë me dije se pas hekurave ka përfunduar shtetasi Idajet Saliaj, banues në Patos.
“Ky shtetas ishte shpallur në kërkim ndërkombëtar nga autoritetet italiane, pasi Gjykata e L`Aquila, Itali, më datë 20.04.2020 i ka caktuar masën e sigurimit ”Arrest në burg”, për kryerjen e veprës penale “Pjesëmarrje në grup kriminal, me qëllim trafikimin e lëndëve narkotike”, parashikuar nga Kodi Penal italian. Maksimumi i dënimit është 24 vjet burgim.” thuhet në njoftimin e policisë
Arrestimi provizor u krye me qëllim ekstradimin e tij drejt Italisë.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
