Janë gjetur të pajetë një burrë dhe një grua në fshatin Vitomoricë të Pejës, Kosovë.
Lajmin e kanë konfirmuar autoritet policore vendase dhe rasti raportohet të ketë ndodhur ditën e djeshme rreth orës 17:00.
Me urdhër të prokurorit trupat e pajetë janë dërguar në Institutin e Mjekësisë Ligjore për obduksion.
Rasti vazhdon të hetohet.
“Është raportuar se viktima femër Kosovar së bashku me viktimën mashkull Kosovar janë gjetur pa shenja jete, vdekjen e të cilëve e ka konstatuar mjeku. Në vendin e ngjarjes kanë dalë njësitë relevante policore dhe prokurori i shtetit i cili e ka cilësuar rastin. Në vendin e ngjarjes është gjetur dhe sekuestruar një pistoletë dhe dy gëzhoja të fishekëve. Me urdhër të prokurorit trupat e pajetë të dy viktimave janë dërguar në IML për obduksion, rasti vazhdon të hetohet”, thuhet në raportin e policisë.
