Një aksident është regjistruar në Kashar, në periferi të kryeqytetit, ku një automjet ka aksidentuar një 13-vjeçar. Ngjarja ndodhi rreth orës 11:15.
Burime zyrtare nga policia bënë me dije se mjeti me drejtues me inicialet F.Sh., ka aksidentuar shtetasin e mitur me iniciale A.Th., 13 vjeç, i cili është dërguar në spital, dhe ndodhet nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, shtuan të njëjtat burime.
