Sportistja e njohur Klodiana Shala, e ftuar në “Kafe shqeto” në Syri Tv, foli gjatë për kujdesin që duhet të kemi me të ushqyerin, sidomos këtë periudhë, në të cilën njerëzit kanë neglizhuar aktivitetet për shkak të pandemisë, si dhe për mosmbështetjen e sportit nga qeveria.
“Sporti nuk duhet të quhet luks, pasi është nevojë. Është jo vetëm për të hequr kilet, por bën mirë dhe psikologjikisht“, është shprehur Shala.
Më tej, ajo ka shtuar: “Të ushqyerit mirë. Nuk them të hamë një herë në ditë apo 5 herë, them që të hamë të duhurën dhe të ushtruarit aktivitet fizik të paktën 20 minuta në ditë”.
Klodiana theksoi se për tu dobësuar ndihmon më shumë ecja e shpejtë, se sa vrapi.
Ajo rrëfeu se është mërzitur nga mospërfillja e qeverisë ndaj sportit dhe ka vendosur të largohet nga Shqipëria.
“Unë shquhem si atdhetare. Jam me prejardhje nga Kosova e them që kosovarët janë shumë atdhetarë. Si duket gjaku im kosovar më ka mbajtur. Unë kam qenë zëri i sportistëve dhe kam thënë që ata janë ambasadorë të shtetit, Shqipërisë. Populli po rri qetë nuk po do të bëjë ndryshimin. Mua nuk po më pëlqen më kjo pjesë, ndaj më mirë po largohem se sa të rri këtu”, ka thënë Klodiana Shala.
