Amnistia fiskale është një nga nismat më të fundit të ndërmarrë nga qeveria.
Ish-guvernatori i Bankës së Shqipërisë Ardian Fullani shprehet pro amnistisë, por e sheh me dyshim suksesin e saj.
Kjo sipas tij, sepse administrata nuk është në gjëndje ta kryejë në kushtet e sotme.
Ardian Fullani: ”Unë nuk jam kundër në parim të amnistive. Por kur janë provuar dhe nuk kanë funksionuar pavarësisht si janë bërë, bie në atë që unë besoj, pa bërë një rakordim të mirë të ligjeve, rregulloreve, akteve nënligjore, pa parë në themel se si funksionon llogaria kapitale, kush janë pengesat. Ne me ligj por dhe në praktikë kemi llogari kapitale të hapura, mund të shesim dhe të blejmë gjithçka. Por po të hysh në kanalin e ingranazheve bankare, në dokumentacionin që do përcjellësh, ku po e çon, si po e merr, do hysh në ligjin e pastrimit të parave, dhe në disa ingranazhe të tjera verifikimesh, dhe në kushtet e një administrate tonën e cila nuk është sot në gjendje ta bëjë këtë gjë.”
”Nuk e bën dot në kushte jo amnistie imagjino në kushtet e një amnisitie që është shumë komplekse dhe i përfshin të gjithë. Kryesorja në amnisti është që ti do të kesh në rradhë të parë qëllimin, për çfarë do e bësh. E dyta, si do e bësh dhe e treta çfarë përfiton. Nëse amnistia do jepte një revolucionarizim të anës administrative të tatim taksave, ose do bëntëe formalizim të ekonomisë në kushtet kur nuk kemi elementë të tjerë, e shoh me dyshim suksesin e saj.”
