Moderatori Flori Gjini, i ftuar pasditen e djeshme në “Ftesë në 5”, preku disa tema shumë personale. Ai rrëfeu në studio momentin kur mësoi se gjyshja e tij kishte ndërruar jetë dhe arsyen se përse nuk mundi të ishte i pranishëm në ceremoninë mortore.
Moderatori tregoi se fakti që ishte në punë e pengonte të shkonte deri në Mirditë, aty ku gjyshja e tij kishte kërkuar ta varrosnin.
“Prindërit e mi ishin përpjekur që të ma fshinin faktin se gjyshja ime ishte ndarë nga jeta. Marr një mesazh nga motra ime që më thotë se gjyshja na la. Duke patur parasysh se ne ishim në transmetim nga e hëna në të hënë ishte shumë e vështirë se ne kishim çdo ditë xhirime, dhe unë po përpiqesha pata gjithë dashamirësinë e stafit që ndoshta atë ditë mund të rrezikoja pjesën e transmetimit për të ardhur por siç e tregon dhe tradita e ne e dimë këtë pjesë ajo kishte bërë kërkesë që githë rituali mortor të ishte në Mirditë. Dhe përveç se Tiranës mua më shkonte rruga shumë herë më larg dhe ishte një lloj bonsensi që prindërit e mi u përpoqën që të më thonin vazhdo se në fund të ditës kjo puna jote ka shumë sakrificë.”- tregoi Flori gjate intervistes.
