Për shumë persona, Samuel Eto’o është lojtari më i mirë afrikan në histori.
Eto’o e filloi karrierën e tij te Real Madrid por suksesin e gjeti te Barcelona, duke fituar dy tituj të Ligës së Kampionëve dhe më pas e çoi këtë numër në tre, me triumfin e tij me skuadrën e Interit në vitin 2010.
Tani i tërhequr nga futbolli i luajtur ai jeton mes Katarit dhe Milanos me familjen e , duke pritur të vendosë për të ardhmen që do të ndjekë.
Së fundmi Eto’o ka dhënë një intervistë të gjatë për “Marca”, ku ndër të tjera ka prekur edhe marrëdhënien e tij me Pep Guardiolën kur të dy ishin te Barcelona.
Pak kohë më parë sulmuesi kamerunas pati deklaruar se kishte respekte për teknikun spanjoll si trajner por jo si person ndërsa duket se këtij mendimi i qëndron përsëri.
Një ndër pyetjet që gazetari i Marca-s i bëri 39 vjeçarit ishte: Ju keni thënë më parë se e respektoni Pep (Guardiolën) si trajner, por jo aq shumë si person, çfarë keni dashur të thoni?
Ndaj kësaj pyetje Eto’o është përgjigjur:
“Unë i përmbahem asaj që kam thënë dhe nuk jam personi i vetëm që e kam thënë. Përvoja ime me Pep te Barcelona ishte ajo që ishte, por në aspektin personal nuk ishte ajo që shpresova. Shumë lojtarë të tjerë kanë thënë të njëjtën gjë për të. Si trajner, ai e përgatit ndeshjen në mënyrë perfekte. Ai e bënte ndeshjen shumë të lehtë për ne lojtarët filozofia e sulmit të tij ishte e pashoq. Por për sa i përket çështjeve të tjera mbaj të njëjtin qëndrim.”
