Dy persona janë arrestuar nga policia e Gramshit në kuadër të operacionit “Panda”, pasi janë kapur duke transport 4 shtetas të huaj, kundrejt fitimit 400 deri në 500 euro për person.
Pas hekurave kanë përfunduar shtetasit H. H., 35 vjeç dhe R. D., 28 vjeç, të dy banues në Durrës.
“Këta shtetas u kapën në qytetin e Gramshit, duke transportuar me mjetin e tyre, i cili u sekuestrua në cilësinë e provës materiale, 4 shtetas sirianë e palestinezë, të cilët kishin hyrë ilegalisht në Korçë, nëpërmjet kufirit jeshil nga shtetit grek. Të dy shtetasit e arrestuar do t’i transportonin sirianët dhe palestinezët, kundrejt fitimit që varionte 400-500 euro për secilin, për të kaluar kufirin në mënyrë të paligjshme në drejtim të Malit të Zi, me destinacion final një nga vendet e BE-së.” thuhet në njoftimin e policisë.
Materiale hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
