Aktivistët e Lëvizjes VETËVENDOSJE, qendra në Shqipëri përkujtuan sot në Tiranë 142 vjetorin e Lidhjes së Prizrenit.
Ata fillimisht vendosën kurorë me lule te Monumenti i “Vëllezërve Frashëri” në Parkun e Madh të Liqenit Artificial të Tiranës në nderim të kontributit të paçmueshëm të Rilindasve tanë për çlirim, progres shoqëror dhe bashkim kombëtar.
Më tej, aktivisti dhe profesori Klejd Këlliçi foli në këtë aktivitet duke thënë se “ Lidhja ishte momenti historik i fillimit të kërkesës së shqiptarëve për tërësi territoriale e kombëtare, ishte kuvendi ku shqiptarët treguan jo çfarë donin por atë që u përkiste me të drejtën e historisë e përbashkësisë së tyre. Mbi të gjitha, është pikënisja nga ku sot duhet reflektuar për të papërmbushurën e bashkimit të shqiptarëve, e akoma më shumë kur dhe ajo çka është arritur sot po vihet në rrezik.”
