Një vrasje e tipit mafioz ka tronditur ditën e djeshme Greqinë, ku viktimë mbeti një biznesmene, e cila më parë kishte kandiduar edhe për kryebashkiake zonën e Zakynthos.
Mediat fiqinje raportojnë se Christina Kloutsinioti, 37 vjeç sëbashku me bashkëshortin e saj po ktheheshin për në shtëpi me motor, kur është ekzekutuar.
Fillimisht, autoritetet dyshojnë se objektivi i autorëve ishte bashkëshorti i biznesmenes, por ende nuk detaje lidhur me ngjarjen e rëndë.
Në momentin që çifti ishte duke udhëtuar me motor vetëm pak metra larg banesës së tyre, dy persona që ishin duke lëvizur po me motorë u afruan dhe hapën zjarr ndaj çiftit duke lënë të vdekur në vend 37 vjeçaren dhe plagosur rëndë bashkëshortin e saj, 53 vjeç.
Sipas raportimeve, dy vrasësit ishin veshur me rroba të errëta të dhe helmeta të ngjashme me uniformat e policisë vendase.
Kush çifti i biznesmenëve, 53 vjeçari emër i njohur për policinë?
Sipas asaj që shkruajnë mediat greke, viktima është një biznesmene shumë e njohur në Zakynthos. Ajo është pronare e një hoteli në Laganas, por gjithashtu ka kandiduar dhe për kryetare bashkie në zgjedhjet e fundit.
Edhe bashkëshorti i viktimës është një emër i njohur për autoritetet greke, pasi dyshohet se ka marrë pjesë në një grabitje disa vite më parë ku i vodhën një biznesmeni tjetër një shumë prej 550 mijë eurosh. Por ai nuk u akuzua asnjëherë për këtë çështje.
Çifti u martuan në vitin 2012 dhe kanë një djalë të vogël ndërkohë që 53 vjeçari ka një fëmijë nga një martesë e mëparshme.
