Prej nëntë vitesh, një pensionisti belg i dorëzohen pica dhe ushqime të tjera në shtëpinë e tij, pa i porositur ato.
Historia e pazakontë u tregua nga gazeta belge “Het Laatste Nieuws’’, që intervistoi protagonistin Jean Van Landeghem, një 65-vjeçar nga Turnhout të cilit kur filluan t’i mbërrinin picat e para, e ”humbi” logjikën.
Fillimisht pensionisti mendoi për një gabim njerëzor, por në ditët në vijim mbërrinin pica të tjera dhe ushqime pa u kërkuar kurrë nga ai.
“Ndodh në mes të javës, në fundjavë, në çdo kohë të ditës”, tha Van Landeghem duke theksuar se nuk mund të flejë më i qetë.
‘’Dridhem sa herë që dëgjoj një motoçikletë që vjen në rrugën time. Kam frikë se dikush do të vijë dhe do të më sjellë pica përsëri”, thotë Van Landeghem.
Ai i është drejtuar policisë disa herë, por situata nuk ka mundur të zgjidhet.
“Kjo situatë nuk durohet më”, thekson pensionisti i revoltuar.
