Ish-heroi i skuadrës së Interit, Welsey Sneider, pretendon se këtë vit Interi mund të fitojë Kupën e Italisë por pranon se lufta për titullin kampion mund të quhet e përfunduar për zikaltërit.
Interi aktualisht renditet në vendin e tretë në Serie A, 9-të pikë pas kryesuesve të Juventusit por që kanë një ndeshje më pak për të zhvilluar.
Skuadra nga Milano, rikthehet në aksion kundër Napolit ditën e shtunë, në ndeshjen e kthimit që vlen për Kupën e Italisë.
Sneider beson se Interi mund ta përmbysë humbjen e ndeshjes së parë me rezultatin 1-0.
“Shpresoj se Interi do të avancojë dhe do të fitojë Kupën e Italisë.– tha ai fillimisht për “Il Mattino”. “Mendoj se koha për të fituar ka ardhur në ambientet e klubit.”
“Në Seria A mundësitë për të triumfuar janë shumë pak. Juventus mbetet si favoriti kryesor për të fituar titullin. Ata kanë ekipin më të mirë dhe përmirësohen çdo sezon.”
