Përpjekja e Manchester City-t për të rrëzuar vendimin e UEFA-s për përjashtimin dy vjeçar nga Liga e Kampionëve fillon sot në Gjykatën e Arbitrazhit për Sportin (CAS).
Një seancë dëgjimore tre-ditore në Lozanë do të përcaktojë nëse UEFA kishte të drejtë të ndëshkonte City-n për shkelje të pretenduara të rregullave të Fair Play Financiar (FFP).
Vendimi i CAS jo vetëm që ka të ngjarë të përcaktojë të ardhmen e afërt të Man.City-t, por gjithashtu mund të ketë pasoja më të gjera në futbollin anglez dhe evropian.
Edhe pse do të duhen vetëm tre ditë për të marrë vendimin, pritet që Gjykata e Arbitrazhit sportiv ta bëjë publike pas disa javësh, gjithnjë përpara rifillimit të Ligës së Kampioneve në muajin gusht.
Konfirmimi i dënimit të UEFA mund të sjellë pasoja të rënda te Manchester City. Ndërsa Guardiola ka deklaruar se do të qëndrojë te “Qytetarët”, futbollistët si Kevin De Bruyne e vendosin të ardhmen e tyre te klubi anglez në dyshim.
