Një i ri që punonte si bojaxhi dhe që u punësua nga një qytetar për të lyer shtëpinë tek Kodra e Diellit po përballet me një sërë telashesh pasi është i dyshuari kryesor për vjedhjen e disa sendeve shtëpiake. Pasi është paguar 34 mijë lekë nga denoncuesi, bojaxhiu dyshohet se përvetësoi nga banesa tapete dhe televizor.
Por, ndërsa i akuzuari kundërshton të jetë ai autori, një video e bërë prej tij përmes telefonit ka hedhur dyshime të forta. Materiali filmik i realizuar prej tij sapo kishte përfunduar lyerjen për t’i treguar pronarit ngjyrat e reja të shtëipisë, shfaq në sfond edhe tapetet dhe televizorin. Kjo do të thotë sipas kallzuesit se kur bojaxhiu hyri në shtëpi dhe përfundoi punën, tapetet dhe sende të tjera të marra prej tij gjendeshin aty.
“Vendosa ta lyej shtëpinë tregoi në polici E.P dhe ndaj i telefonova një bojaxhiu me emrin Mondi. Pasi i lashë çelësat e banesës u largova drejt Sarandës ku qëndrova për 15 ditë. Kur u ktheva konstatova se stukimet nuk ishin kryer sić duhet dhe as lyerja “ rrëfen në polici E.P
Në dosjen që gazeta Si disponon përmendet se pronari i telefonoi bojaxhiut, por ai nuk ja hapte telefonin. “ nga një kontroll i imtësishëm i shtëpisë vërejta që në dhomë ishin marrë dy televizorë, disa bixhuteri të prindërve, tre sixhade, jorgan e batanije”. Qytetari dëshmon se në çastin që e ri-pyeti bojaxhiun ai u justifikua fillimisht “ I mora për t’i larë e rregulluar”
Konfliktet mes të dyve janë rënduar në vijim, kur bojaxhiu sipas materialeve të policisë mohoi që kishte marrë gjithashtu bizhuteri dhe televizorët. Theksohet në dosje se policia gjyqësore ka administruar me procesverbal kopje të printuara të komunikimeve elektronike mes palëve ku pohohen rrethanat e lartpërmendura. Në vijim fashikulli ilustron se “Emirlindi e ka ndihmuar policinë duke paraqitur një USB në të cilën shfaqen video të banesës në datën 16 shtator 2019, ku dallohen televizorët dhe sixhadet”. Video është bërë nga i akuzuari me qëllim për të treguar punimet që ishte bërë nga i pandehuri me qëllim tregimin e punimeve.
Bojaxhiu me inicialet E. C. pretendon nga ana e tij se kur ka përfunduar punimet ka shkrepur edhe videon . Por, ai insiston më tej se ‘kur përfundova punimet, një javë më pas erdhi babai i porositësit dhe më kërkoi t’i gjeja një pastruese “. Ngjarja e rrëfyer nga i akuzuari në gjykatën e Tiranës ku edhe ka përfunduar i akuzuar bëhet akoma më e cuditshme, pasi ai vazhdon të tregojnë se pas tërmetit, ishte telefonuar dhe i ishtr kërkuar që banesën ta lyente nga fillimi. Pikërisht aty bojxhiu pretendon se mori edhe rolin e ustait.
“Televizorët i cova në një usta por njëri nuk ndreqej më dhe e flaka, kurse tjetrin i’a dhashë punëtorit tjetër me emrin Çimi si mënyrë pagese.”
Shpjegimi i tij për tapetet është akoma më i habitshëm. Sipas fashikullit që gazeta “Si” disponon bojaxhiu këmbëngul se tapetet i mori në shtëpi dhe se do t’i lante vetë e pastaj do t’i kthente të pastër. Ky ishte qëllimi doja t’i pastroja tregoi bojaxhiu kur pa videon që u shfaq dhe që bazohej në një filmim të kryer prej tij . I riu tregon se në muajt në vazhdim ai thjesht nuk ishte treguar korrekt për të dorëzuar tapetet , pasi kishte patur fëmijët sëmurë dhe ndaj nuk ia kishte hapur telefonin pronarit.
Për bizhuteritë i dyshuari doli kundër akuzave të pronarit, pasi sipas tij në banesë kur ai kishte shkuar për të lyer, aty gjendej me qera një kosovar . Në dosje shkruhet se ai pretendon që nuk mund të kishte bizhuteri në këtë banesë kur aty më parë ishte një qiramarrës nga Kosova, nga i cili ka marrë çelësat e shtëpisë.
Për ta bindur gjykatën bojaxhiu tregoi numrin e telefonit të qeramarrësit të cilin e ka ruajtur me emrin kosovari dhe që i kishte marrë çelësat përpara se të hynte aty. Edhe pse në vazhdim edhe akuzuesi dhe i akuzuari u përplasën me dëshmi e kundër dëshmi, më kryesori pretendimi se ai ishte urdhëruar nga pronari për të flakur sendet e vjetra,
bojaxhiu nuk u pa aspak bindës në gjykatë. Ai u konsiderua fajtor nga gjykata , dhe e vetmja provë kundër tij ishte filmimi i tij. “kjo video na bindi të zhvillonim një aksion në banesën e bojaxhiut, ku edhe u gjet njëri nga tapetet” tha për gazetën Si një agjent i policisë, i cili e zbardhi historinë pasi pronari i kishte dorëzuar një usb me filmime./Gazeta Si
