111 raste të reja pozitive, 2 viktima dhe 6 të shëruar është bilanci i COVID-19 në24 orët e fundit në Maqedoninë e Veriut.
Autoritetet vendase të shëndetësisë konfirmuan se nga 854 teste të realizuar, 111 prej tyre kanë rezultuar pozitiv me COVID-19.
Rastet e reja janë nga: Shkupi 63 raste, Kumanovë 11, Shtipi 12, Tetovë 8, Veles 3, Ohër 1, Gostivar 3, Kriva Pallankë 1, Koçani 9.
Mësohet se në Klinikën Infektive në Shkup kanë ndërruar jetë dhe dy pacientë të tjerë me koronavirus. Një paciente nga Struga në moshën 53 vjeçe dhe një pacient nga Prilepi në moshën 80 vjeçe.
Gjatë 24 orëve të fundit betejën me COVID-19 e kanë fituar dhe 6 pacientë të tjerë me COVID-19.
Numri i përgjithshëm i pacientëve të diagnostifikuar me Covid-19 në Maqedoninë e Veriut ka arritur në 3025, prej të cilëve 1646 janë shëruar kurse 153 pacientë kanë humbur betejën me koronavirusin e ri. Për momentin në ka 1226 raste aktive me koronavirus. Që nga fillimi i pandemisë janë realizuar 36.325 testime.
