Këngëtarja Morena Taraku është një ndër personazhet më të njohur të showbiz-t e cila gjithmonë tërheq vëmendjen e publikut. Por të qënurit kaq e famshme dhe në qendër të vëmendjes mesa duket është bërë e lodhshme dhe e bezdisshme për të.
Në një intervistë realizuar së fundmi në Instagram me ndjekësit e saj ajo është pyetur çfarë do donte të ndryshonte po të kthente kohën pas.
“S’do bëhesha kurrë person publik, sepse njerëzit flasin shumë e kurrë nuk mund të dinë të vërtetën”, është përgjigjur këngëtarja e njohur.
Ndërsa një pyetje tjetër që i ka ardhur asaj kishte të bënte me pendimin e saj më të madh në jetë.
“Duke dhënë nga vetja copa zemre për njerëz të gabuar”, ka treguar në këtë mënyrë Morena Taraku se për çfarë është penduar më së shumti në jetë.
