Presidenti i Republikës Ilir Meta ka pritur sot në një takim në Presidencë homologun e tij kosovar, Hashim Thaçi.
Në fokus të bisedimeve kanë qenë zhvillimet politike të ditëve të fundit në Tiranë dhe Prishtinë.
Thaçi njoftoi dje në media se kishte ardhur në Shqipëri për një vizitë miqësore, për të takuar liderët politikë për shkak edhe të zhvillimeve të fundit politike në të dy vendet.
Pasi e përcolli deri në “pragun e shtëpisë’, Presidenti Meta dhe homologu i tij Thaçi shkëmbyen përshëndetje “me dorë në zemër” për shkak të COVID-19.
Ndërsa Thaçi doli nga Presidenca, Meta priti në takim ambasadoren e Shteteve të Bashkuara në Tiranë, Yuri Kim për reformën zgjedhore.
