Nga Dritan Kaba
Juli Xhokaxhi eshte gazetare me shume fat. Sa here fton Elisa Spiropalin, intervista me te i behet lajm kombetar!
Ne nje interviste me pare, Elisa “shkelqeu” me dijet e saja, si njohese e paane e letersise, kur na nxorri Don Kishotin, personazh romantik te letersise shqiptare!
Sa krenar duhet te jete ndjere Kadare per dijet e Elises! Por Juli u tregua mire nuk e ngacmoi, qe ne, shqiptaret e paditur, te habiteshim me shume me njohjet e thella te Elises. Por edhe kaq mjaftonte!
Sikur Elisa te kishte lexuar libra sa ka kostume, sa mire do te ishte! Por per çfare i duhen, Elises, librat? Ajo ka lexuar “Kurbani” te Gjithologut, aq i mjafton. Edhe kete “merite” po ja jap paradhenie, se rrezik edhe ate nuk e ka lexuar sepse Elisen e streson leximi!
Sot Elisa na dhuroi nje tjeter perle te sajen! Ardi Veliu na paska qene i stresuar, ndaj nxorri videon me te emen e 15 vjeçarit ne nje seance degjese ne Komisionin e Sigurise te Parlamentit Shqiptar!
Nga koleget e ngushta te Elises nuk pati asnje reagim, per kete veper te pashoqe, te pandodhur ndonjehere ne Parlamentin Shqiptar. Megjithese kishte shume gra ne ate mbledhje, por asnjera nuk mori mundimin te reagonte. Te gjithave ju mbyll goja dhe mendja me gjetjet e jetes prej “krimineleje”, te nje aktoreje!
Mbledhjet e Komisionit te Sigurise ne Parlament jane kthyer ne “gallate” te turpshme ne syte e qytetareve. Nga ai komision qytetaret presin ligje si forcohet rendi dhe jo si merret neperkembe nje grua, nje prind. Shqiptaret nga ai Komision presin strategji si luftohet droga, por degjojne kerkesen e Kryetares se Komisionit, qe Elona te nxirrte “shalen” dhe Ermonela te çmallej me te!
Elisa na shpjegoi, qe drejtori ishte nen presion dhe “deklarata” e tij ishte e gabuar, e nxituar e panevojshme. E dashur Elise, nuk ishte deklarate, as stres, por nje veprim i miremenduar.Ishte nje spektal i turpshem i ofruar nga makina e propagandes se Rilindjes!
Elise, sipas Fjalorit te Gjuhes Shqipe fjala “deklarate” do te thote: Pohim a njoftim me përgjegjësi që bën dikush me gojë a me shkrim; shpallje e qëndrimit zyrtar, që mban një qeveri, organizatë etj. për një çështje të caktuar; shpallje e disa parimeve, qëllimeve a kërkesave të rëndësishme të një shteti, partie etj.;
Por ne fakt ai veprim ishte ne shume se deklarate! Ishte nje video e transmetuar “live” ne nje mbledhje parlamentare!
Pjesa juaj me qesharake eshte kur deklaroni se per kete “deklarate”, sa me ben te qesh edhe te qaj artikulim juaj, kur thoni qe: “Ka marre ndeshkim dhe moral dhe verejtjet perkatese”!!! Kush eshte verejtja, qe ka marre Drejtori Veliu?! Apo kur te merr ne telefon Edi edhe uleret me gishta ne vesh, quhet verejtje, e rende madje!
Ndersa qershia mbi torten e gatuar ne emision, per te mos thene ndonje fjale tjeter, eshte fjalia e fundit: “por veprimtaria e tij ne krye te policise eshte me e vlefshme se gabimi, qe ka bere”!!!
Nuk besoj se ka guxim njeri me dy pare mend ne koke te artikuloje te tilla marrezi kaq te shumta ne nje pergjigje te vetme.
Ndaj siç duket edhe te nxjerrin, se vetem Ju mund t’ja arrini!
Keto theniet e tua mund t’i beje konkurrence vetem Mimi Kodheli, serish edhe ajo ne ne mbledhje te nje Komisoni Paralmetar, qe na i nxorri te gjitha mesueset e nderuara te Shqiperise si mendjeshkurtera, qe nuk bejne ditare, por thonjte dhe veshin minifunde. Nuk e di çfare kane ndjere, ato mijera mesuese. te cilat ne kete kohe pandemie, iu jane perkushtuar nxenesve duke bere mesimet online, megjithese pa asnje kusht! Me shpenzimet e tyre, pa asnje shperblim shtese!
Dje kisha nipin ne shtepi dhe po me tregonte se si mesuesja i kishte çuar te gjitha mesimet ne ëhatsapp me video dhe me shpjegonte se si interesohej çdo dite duke iu telefonuar prinderve, nese femijet kshin veshtiresi ne mesimet, qe ajo i kishte derguar nje dite me pare!
Edhe ajo deklarate u be per te marre ne mbrojtje nje tjeter te emeruar te Rilindjes, qe pa asnje turp, perdhunimet ne grup i quajti krime pasioni. Serish ne Parlamentin Shqiptar. Njesoj si ti, nje vit e gjysem me pare, kur deklaroje, qe ngjarje te tilla ndodhin ne te gjithe boten, behen edhe filma! Sot kemi vetem viktimen, qe vuan, ndersa te gjithe te tjeret jane te lire! Nga fshehesit e se vertetes, drejtorja e shkolles, shefat e policise, qe ne fakt duhet te ishin ata sot para drejtesise, por edhe ata te rinj qe kryen ate krim!
Kjo ne fakt eshte Rilindja, qeveria juaj, ku asnje nuk merr pergjegjesi! Ku askush nga ju nuk mban pergjegjesi, per çdo idiotesi, qe artikuloni, Per çdo veprim qe beni, pavaresisht se sa qytetare lendohen.
Ju jeni te gjithe “te stresuar”! Ndaj ka ardhur koha te ikni ne grup!
Dhe kush ju voton ju meriton plotesisht!
