Pak ditë më parë, një video e Eros Grezda u shfaq, teksa konfrontohet fizikisht me futbollistin kroat, Antonio Colak.
Ai moment gjaknxehtësie i ka kushtuar shqiptarit, katër ndeshje pezullim nga Komisioni i Disiplinës së Federatës Kroate.
Një vendim relativisht i “butë”, duke llogaritur se sulmuesi i kombëtares shqiptare rrezikonte shumë pas veprimit të kryer ndaj kundërshtarit të tij.
Skuadra e Grezdës, Osijek u mposht 3-2 nga Rijeka në gjysmëfinalen e Kupës, duel që u luajt në 31 maj ndërsa pas ndeshjes Grezda sulmoi Colak, duke rrëfyer se nuk i rezistoi dot ofendimit kombëtar nga kroati.
