Kampionati portugezi i futbollit, Primeira Liga, nisi mbrëmjen e djeshme me dy sfida. Portimonense u përball kundër Gil Vicente, ndërsa Porto luante në trasnfertën e Famalicao, të dyja ndeshjet të vlefshme për javën e 25-të të kampionatit.
Kryesuesit e Portos u mposhtën me shifrat 2-1 duke u dorëzuar përballë Famalicaos. Martins dhe Pote bënë të pavlefshëm golin e barazimit provizor të realizuar nga Jesus Corona për skuadrën mike.
Aktualisht Porto kryeson kampionatin me një pikë më shumë se Benfica por nëse “shqiponjat” e Lisbonës triumfojnë mbrëmjen e sotme ndaj Tondelas do të ngjiten në krye të klasifikimit.
Ndërkohë sfida tjetër mes Portimonenses dhe Gil Vicentes u mbyll me suksesin 1-0 të vendasve.
