Dy të rinj janë arrestuar nga policia në orët e para të mëngjesit të sotëm, pasi gjatë një kontrolli rutinë në rrugë iu është gjetur drogë në makinë.
Forcat e rendit kanë parë një makinë të lëvizë nga Tirana për në Elbasan në orën 02:00 të mëngjesit. Pasi kanë dyshuar për orarin dhe sjelljet e shoferit, policia e ka ndaluar makinën duke ushtruar kontroll, gjatë të cilit është gjetur 30 kilogram lëndë narkotike e tipit kanabis sativa.
Menjëherë është bërë arrestimi i Ildi Dushkut dhe Ylli Spahos.
Sipas policisë, Dushku nuk ka precedentë të tjerë penalë, kurse Spaho është dënuar për një plagosje.
