Një pikë dhënie kredish është grabitur në qendër të qytetit të Korçës. Një person i armatosur me thikë, duke kërcënuar punonjësit, ka marrë një sasi parash që paraprakisht raportohet se janë 100 mijë lekë të vjetra.
“Rreth orës 12:00, në lagjen nr. 7, në një zyrë e cila shërben për dhënie kredie, ka hyrë një shtetas i paidentifikuar i cili duke ushtruar presion psikologjik punonjësve me një thikë, dyshohet se ka marrë një sasi lekësh dhe më pas është larguar me shpejtësi”, njoftoi policia.
“Grupi hetimor po punon për zbardhjen e rrethanave të ngjarjes. Shërbimet e Policisë kanë rrethuar zonën dhe po vijonë kontrollet për kapjen e autorit”, shtuan të njëjtat burime.
Me thikë në dorë e pa maskë, dalin pamjet e grabitjes së pikës së kredive. Pranga autorit (VIDEO)
