101 raste të reja me COVID-19 janë konfirmuar për 24 orët e fundit në Maqedoninë e Veriut nga 974 teste të realizuara.
Rastet e reja pozitive janë: në Shkup-59, në Kumanovë 12, në Shtip-7, Prilep-1, Tetovë-5, Strugë-6, Veles-1, Ohër-1, Kavadarci-1, Gostivar-3, Koçani-3, Probishtip-2.
Gjatë 24 orëve të fundit kanë ndërruar jetë dhe 4 pacientë të tjerë me COVID-19. Në Klinikën Infektive në Shkup ka ndërruar jetë një 84 vjeçar nga Prilepi. Në Spitalin “8 shtatori” ka ndërruar jetë pacient nga Tetova në moshën 75 vjeçe, ka ndërruar jetë dhe një 71 vjeçar nga Kumanova si dhe një 58 vjeçar nga Shkupi.
Gjatë 24 orëve të fundit betejën me COVID-19 në Maqedoninë e Veriut e kanë fituar dhe 10 pacientë të rjerë. Tetë pacientë nga Tetova dhe 2 nga Velesi.
Sipas statistikave të fundit në Maqedoninë e Veriut nga fillimi i pandemisë janë diagnostifikuar 2.492 persona me koronavirus, prej të cilëve 1605 janë shëruar, kurse fatkeqësisht betejën e kanë humbur 145 pacientë. Për momentin ka 742 raste aktive.
