Protestat në Shtet e Bashkuara të Amerikës kanë degraduar në gjendje të dhunshme, pasi çdo ditë raportohet për plagosje, vrasje dhe grabitje të bizneseve.
Por, ndërkohë që protestojnë për vrasjen e një afro amerikane dhe kundra racizmit, kanë vrarë vetë të tillë.
Mediat e huaja, raportojnë se David Dorn, një zyrtar i zbatimit të ligjit në ShBA, u qëllua dhe u vra të martën herët në mëngjes pasi iu përgjigj një alarmi të vjedhjeve në një bizhuteri në veri të Saint Louis.
Lajmin e konfirmoi shefi i policisë së Saint Louis, John Hayden gjatë një konference për shtyp.
“Gjatë një procesi të grabitjes, David Dorn po ushtronte zbatimin e ligjit për informacionet që mësoi këtu, kështu që për nder të tij, ne kemi veshur uniformat tona të zisë,” tha ai.
Ai tha dhe se 55 biznese përfshirë dyqanin e pengut raportuan dëme të pronës brenda natës pas protestave në qendër të qytetit të Saint Louis për vdekjen e George Floyd në Minneapolis.
Lidhur me vrasjen e David Dorn, ka ardhur dhe një reagim nga presidenti Donald Trump
“Respekti ynë më i lartë për familjen e David Dorn, kapiten i madh policie nga Saint Louis, i cili u qëllua dhe u vra nga grabitësit e neveritshëm mbrëmë. Ne nderojmë policët tanë, ndoshta më shumë se kurrë më parë. Faleminderit!” shkruan Trump në rrjetet sociale.
