Policia e Durrësit ka zbardhur skemën e organizmit të tentativës për trafikim të sasisë së lëndës narkotike, heroinë, të sekuestruar mbrëmjen e 17 majit në portin e Durrësit.
Sipas burimeve zyrtare është arrestuar organizatori, njëherazi edhe poseduesi i 38 kg heroinë të fshehur poshtë sendiljes së kamionit.
Pas hekurave ka përfunduar shtetasi P. Ç. i cili është kapur në afërsi të banesës së tij, në rrugën “Kumini”, në lagjen nr. 4 Durrës.
“Nga veprimet hetimore të kryera dyshohet se ky shtetas është organizatori dhe poseduesi i sasisë prej 38 kg heroinë të kapur në datën 17.05.2020, në Portin e Durrësit. Ndërkohë, vijon puna për identifikimin dhe kapjen e personave të tjerë të përfshirë në këtë aktivitet kriminal.” njofton policia.
Më 17 maj në pranga u vu drejtuesi i kamionit 49-vjeçari Dhimitër Zykaj nga Babrruja, Tiranë.
Materiale i kaluan Prokurorisë, për veprime të mëtejshme, për veprën penale “Trafikimi i narkotikëve”, kryer në bashkëpunim.
Kapet një sasi e madhe heroine në portin e Durrësit, prangoset shoferi i kamionit
Heroina në portin e Durrësit/ Dalin pamjet dhe emri i të arrestuarit (VIDEO)
