Policia e Saint Louis-it, në Misuri të SHBA-ve, ka raportuar se katër agjentë janë plagosur me armë zjarri gjatë përplasjeve me protestuesit dhe janë dërguar në spital.
Sipas njoftimit në faqen e Twitter-it të policisë, të katër agjentët janë jashtë rrezikut për jetën. Tre prej tyre janë goditur në këmbë dhe njëri në krah.
Ngjarja ndodhi gjatë një proteste që nisi paqësisht në mesditë, me 2-3 mijë pjesëmarrës, por që përfundoi dhunshëm me rënien e natës, kur rreth 200-300 persona nisën të thyejnë dyqane dhe të sulmojnë rajonin e policisë.
Situata vazhdon të jetë e tensionuar në të gjithë SHBA-në, një javë pasi nisën protestat për vdekjen e George Floyd teksa arrestohej nga policia.
Derek Chauvin, polici që u filmua duke i peshuar viktimës me gju në qafë, është futur në burg i akuzuar për vrasje nga pakujdesia. Ndërkohë, autopsia vërtetoi se vdekja ishte shkaktuar nga asfiksia.
We have had 4 officers struck by gunfire tonight. All have been transported to an area hospital. All are conscious and breathing. Their injuries are believed to be non-life threatening.
Officers are still taking gunfire downtown & we will share more info as it available. pic.twitter.com/Cwypi5EorP
— St. Louis, MO Police (@SLMPD) June 2, 2020
