Mëngjesi i 31 majit ishte tragjik për Fabio Lombinin dhe Gioele Rossettin, dy notarët e rinj italianë të cilët humbën jetën si pasojë e rrëzimit të një avioni privat pranë kryeqytetit të Romës.
Dy të rinjtë 22 dhe 23 vjeç, po fluturonin së bashku dhe njëri prej tyre ishte duke pilotuar avionin e vogël.
30 sekonda pas ngritjes, avioni mori flakë duke humbur kontrollin e për pasojë u përplas fatalisht në tokë duke i marrë jetën dy notarëve.
Njëri prej tyre, Fabio Lombini ëndërronte këtë vit kualifikimin për në Lojërat Olimpike të Tokios. Policia italiane ka hapur menjëherë një hetim për ngjarjen ndërsa dyshohet për momentin për një defekt teknik të avionit.
