Një aksident ka ndodhur në rrugën “5 Maji” në Tiranë. Nga të dhënat paraprake mësohet se bëhet fjalë për përplasjen e dy makinave. Tre persona mbetën të plagosur, mes tyre dy fëmijë.
“Rreth orës 14:10, tek kryqëzimi i rrugës ‘5 Maj’, është përplasur mjeti me drejtues shtetasin E.T., me mjetin me drejtues shtetasin G.D. Si pasojë e përplasjes është demtuar drejtuesi i mjetit shtetasi G.D , dhe dy fëmijët e tij të mitur 10 dhe 5 vjeç, të cilët ndodhen në spital, jashtë rrezikut për jetën. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes”, njoftoi policia.
