Një aksident automobilistik është regjistruar mëngjesin e kësaj të hëne në kryeqytet ku për pasojë kanë mbetur të plagosur dy të mitur.
Aksidenti ka ndodhur rreth orës 07:17, në rrugën e re të Rinasit.
Burime zyrtare njoftojnë se mjeti me drejtues shtetasin V.S., është përplasur me mjetin me drejtuese shtetasen A.M., ku si pasojë janë dëmtuar pasagjeret në mjet një 15 vjeçar dhe një 13 vjeçar.
Dy fëmijët janë dërguar në spital, dhe ndodhen nën kujdesin e mjekëve, jashtë rrezikut për jetën.
Të dy drejtuesit e mjeteve ndodhen në vendngjarje për sqarimin e metejeshme të ngjarjes.
Grupi hetimor dhe shërbimet e Policisë vijojnë punën për zbardhjen e rrethanave të ngjarjes.
