Pasi Tyson Fury mundi Wilder-in, tashmë ndeshja më e kërkuar në botën e boksit është ajo mes Anthony Joshua-s dhe Fury-t.
“Gypsy King” tashmë ndihet i pandalshëm dhe i hap sfidën e drejtpërdrejtë patriotit të tij Joshua.
“Stili i Joshua-s është i krijuar për mua. Ai ka një mbrojtje klasike dhe këmbë shumë të ngathta. Dhe kur vjen puna te grushtet, ai është i brishtë dhe nuk i mban ato.”
“Besoj se do ta hedh “knock out” në raundin e dytë ose të tretë. Vetëm duhet të ketë guxim të dal me mua në ring dhe të mos shmanget si gjithmonë” – u shpreh Tyson Fury.
Ndërkohë ndaj këtyre deklaratave ka reaguar edhe 30 vjeçari me origjinë nigeriane, i cili ka thënë se e mirëpret një duel me Fury-n dhe se po punon për ta arritur diçka të tillë.
