Javier Tebas ka bërë sot të ditur se La Liga do të rifillojë sezonin e saj më 11 qershor. La Ligën aktualisht e kryeson Barcelona me dy pikë avantazh ndaj Real Madridi-t, ndërsa deri në përfundimin e sezonit do të luhen edhe 11 ndeshje.
Gjithsesi ish-presidenti i Barcelonës, Joan Gaspart në vitet 2000-2003, thotë se gjërat do të ishin ndryshe nëse Real Madridi të kishte qenë kryesuese kur liga u pezullua në mars për shkak të Covid-19.
“Nëse Real Madridi do të ishte lider para pandemisë, La Liga do të përfundonte përpara kohe”, ka thënë ai për “AS”, ndërsa nuk ka komentuar më gjatë.
