Byroja e Kuvendit ka përjashtuar për 10 ditë nga punimet parlamentare deputetin Ralf Gjoni. Deputeti i asaj që quhet si “opozita e re” është përjashtuar për sjellje të pahijshme.
Në seancën e fundit, duke shprehur kritika për shembjen e Teatrit Kombëtar, Gjoni i quajti deputetët lëpirsa dhe nxorri nga xhepi një lëpirse. Ky veprim shkaktoi të qeshura në sallën e Kuvendit, por duket se është konsideruar si sjellje e pahijshme.
Gjoni është përjashtuar për shkelje të Kodit të Sjelljes së deputetëve dhe Rregullores së Parlamentit.
Debatet në Kuvend
Ralf Gjoni: Cdo komb krenohet me historinë e tij. Edhe Kopenhagu mbrojti portin e Peshkatarëve të vjetër. I kanë mbajtur, i kanë ruajtur megjithëse janë si kolibe po t’i shohësh nga jashtë. Cfarë lloj speciesh jeni mor? A ka ndonjë socialist që lidhet me Tiranën? Lëpirësa lolipopi, juve meritoni vetëm lolipop.
Ruçi: Zoti deputet, ju tërheq vëmendjen për etikën parlamentare. Nuk të kërkova se ç’fut nëpër xhepa. Në daç mbaji në xhep në daç mbaji në gojë. Unë flas për ato që nxjerr ti nga goja, jo për ato që ti fut në gojë.
