Coutinho aktualisht luan në huazim te Bayern Munich nga skuadra e Barcelonës. Marrëveshja e huazimit mes klubeve skadon në verë dhe sipas raportimeve klubi gjerman nuk do ta blejë kartonin e brazilianit duke e rikthyer te Barcelona.
Por duket se 27-vjeçari do të duhet të gjejë një skuadër tjetër, pasi Barça nuk e dëshiron më në skuadër veçanërisht pas atij sezoni të dobët që zhvilloi me ta.
Të interesuar për shërbimet e tij janë Man.United, Arsenal dhe Chelsea, por ashtu siç raporton “Mundo Deportivo” garën për shërbimet e tij e kryeson Newcastle United të cilët me pronarët e rinj që pritet të zyrtarizohen kanë ambicie të mëdha.
Sipas gazetës spanjolle “Qymyrxhinjtë” tashmë kanë hapur zyrtarisht negociatat për të transferuar yllin brazilian nga Barcelona.
Sipas medieve angleze, shoqëria arabe me në krye, Mohammed bin Salman, është pranë zyrtarizimit si pronarët e rinj të NewCastle dhe nëse do të realizohej do të ndryshonte katërciprisht situatën në Premier League. Pasuria e tyre llogaritet në 320 miliardë paundë ndërsa nuk do të kishin asnjë konkurrencë për sa i përket financave.
