Prej datës 1 qershor, Mali i Zi do të rihapë kufirin me Republikën e Shqipërisë, duke mundësuar kështu lëvizjen e lirë të qytetarëve.
Lajmin e ka njoftuar vetë ministria për Evropën dhe Punët e Jashtme.
Ky vendim është marrë edhe për disa vende fqinje dhe të Bashkimit Evropian, ndër to Kroacia, Sllovenia, Austria, Gjermania, Polonia, Republika Çeke, Hungaria dhe Greqia.
Po ashtu, ministria ka bërë me dije se të gjithë shtetasve të vendeve të lartëpërmendura, nuk do t’u kërkohet asnjë provë apo analizë speciale por me hyrjen në territorin malazez, ata do të marrin udhëzime të qarta mbi masat e higjienës dhe rregullat të cilat duhet të ndjekin në kuadër të luftës kundër COVID-19.
