Një aksident i rëndë është regjistruar mëngjesin e sotëm në Itali, duke i marrë jetën një shqiptari rezident prej shumë vitesh në vendin fqinj.
Mediat vendase raportojnë se viktima është shtetasi Sokol Keci, banor në Rosolina, i cili humbi jetën pikërisht sot, në ditën e tij të lindjes, kur mbushte 46 vjeç.
Aksidenti ka ndodhur në autostradën në drejtim te Bolonjës. Automjeti që ai drejtonte doli nga rruga, u përplas me pjesën anësore të saj dhe më pas u përplas edhe me një automjet tjetër.
Plagët e marra ishin të mëdha dhe i shkaktuan vdekjen e menjëhershme. Ndërkohe që shoferi tjetër u shtrua në spital, po jo në gjendje kritike.
