Ish-futbollist i Torinos dhe Barit, Massimo Brambati, ka zbuluar se portieri i kombëtares shqiptare, Thomas Strakosha dhe mesfushori i Milanit, Franck Kessie, janë prekur nga koronavirusi. Në një lidhje direkte në Instagram me gazetaren Giovanna Martini, brambati ka zbuluar se Strakosha ka dalë pozitiv ndaj testit të Covid-19.
“Janë dy lojtarë, një nga Milani dhe një nga Lazio, të cilët kanë dalë pozitivë me koronavirus. I Lazios është Strakosha dhe për të thonë se ka një dëmtim në këmbë. Kjo nuk është e vërtetë. Ai ka bërë një test dhe ka dalë pozitiv.
Nuk e di në lidhje me dëmtimin e Ibrahimovic, por Kessie i Milanit. Meqenëse u kthye nga Afrika së bashku me Gervinho, edhe ai është futur në karantinë”, ka deklaruar Brambati.
Pritet që sot lojtarët e Lazio do bëjnë testet e dyta dhe me gjasa do të ketë edhe një qëndrim në lidhje me Strakoshën. /abcnews/
