16 raste të reja, tre viktima dhe 14 të shëruar është bilanci i COVID-19 në 24 orët e fundit në Maqedoninë e Veriut.
Autoritete vendase të shëndetësisë konfirmuan se nga 314 teste të realizuara në 24 orët e fundit, 16 prej tyre kanë rezultuar pozitiv me COVID-19.
Në Maqedoninë e Veriut kanë ndërruar jetë dhe 3 pacientë të tjerë me COVID-19. Viktima janë nga Shkupi, Tetova dhe Velesi.
Gjatë 24 orëve të fundit betejën me COVID-19 e kanë fituar dhe 14 pacientë të tjerë.
Sipas statistikave të fundit, që nga fillimi i pandemisë, në Maqedoninë e Veriut janë realizuar 25,842 testime, prej të cilëve 2015 kanë rezultuar pozitiv me Covid-19. Janë shëruar në total 1.453 pacientë, kurse fatkeqësisht betejën me koronavirusin e ri e kanë humbur 116 pacientë.
