Manchester United ishte pranë firmës me Thierry Henry por Sir Alex Ferguson anuloi gjithçka duke parë dëmtimet e shumta të francezit në atë kohë.
Këtë e ka zbuluar ish-shefi i sigurimit në Old Trafford, Ned Kelly, i cili thotë që “Djajtë e Kuq” ishin zgjedhja e parë e francezit. Duke folur për Bein Sport, Kelly rrëfeu: “Pas një ndeshje futbolli, vëllai i Cantona-s, Jean Marie më telefonoi dhe më tha: Ned, thuaji Fergusonit që Henry dëshiron të bashkohet me United.”
“Ky lajm ra në veshët e Ferguson, ndërsa ai refuzoi në mënyrë kategorike duke thënë: Në asnjë mënyrë, ai m** gjithmonë është i dëmtuar. Më pas ai shkoi te Arsenali dhe pjesa tjetër është histori”. – ka thënë ai.
Henry u transferua te Arsenali pas një periudhe të vështirë me Juventusin për 11 milionë euro, ndërsa me “Topçinjtë” ai shkëlqeu duke fituar shumë trofe mes të cilave 2 herë Premier League.
