Gjykata e Korçës ka vendosur shtrim të detyruar në spitalin psiqiatrik për Paolo Vellku që tentoi të rrëmbente një 4-vjeçare nga e ëma pak ditë më parë në qytetin juglindor.
Mësohet dhe se është kërkuar të kryhen analiza pasi mendohet se natën e ngjarjes 20-vjeçari mendohet se ka qenë nën efektin e lëndëve narkotike.
20-vjeçari ka rrëfyer para togave të zeza se nuk mbante mënd asgjë lidhur me ngjarjen. “Nuk mbaj mend asgjë se çfarë ka ndodhur”
Ngjarja ndodhi mbrëmjen e të shtunës në lagjen nr.17.
Autori u kap vetëm pak metra më tutje nga banorët e lagjes, të cilët e kanë mbajtur të neutralizuar, derisa në vendin e ngjarjes ka mbërritur policia.
Vellku është një emër njohur për policinë e Korçës pasi kohë më parë ka qenë i dënuar për dhunë në familje, ndërkohë që njihet si person i kartelizuar me probleme të shëndetit mendor.
