Ambasadori amerikan në Gjermani, Richard Grenell do të heqë dorë nga detyra pas gati dy vite si përfaqësues diplomatik në Berlin. Lajmi i raportuar fillimisht në mediat gjermane, është konfirmuar dhe nga vetë z. Grenell. Robin Quinville, zv. kreu i misionit në ambasadën gjermane pritet ta zëvendësoi në këtë detyrë.
Një lajm i tillë vjen vetëm pak ditë pasi Senati amerikan konfirmoi, John Ratcliffe, (që ashtu si Grenell është një aleat i patundur i Presidentit Donald Trump), si drejtor të përhershëm të Shërbimit Kombëtar të Inteligjencës (DNI). Në shkurt, Trump pati emëruar 53-vjeçarin Grenell në krye të këtij institucioni.
True. https://t.co/5kS0YNMAT9
— Richard Grenell (@RichardGrenell) May 24, 2020
