Autoritete italiane kanë shkatërruar një rrjet të trafikut ndërkombëtar të drogës, duke arrestuar 10 persona.
Në pranga janë vënë 5 shtetas shqiptarë, 3 shtetas italianë dhe dy tunizianë.
Në operacionin që ka nisur që prej orëve të para të mëngjesit, janë angazhuar 120 agjentë dhe janë sekuestruar rreth 22 kg kokainë, 11 kg heroinë, municione të shumta dhe një sasi prej 250 mijë eurosh.
Mediat vendase raportojnë se hetimet ndaj grupit kanë nisur në qershor të 2010-ës, të ndihmuar edhe nga përgjimet ambjentale apo gjurmimi i telefonave. Gjatë hetimeve u zbulua se kokaina futej në Itali nga Spanja, ndërsa heroina, nga Kosova dhe Shqipëria.
