E ardhmja e Miralem Pjaniç pritet të jetë në Camp Nou dhe në këmbim të tij Juventusi do të marrë Arthur Melo. Kjo është marrëveshja që pritet të realizohet ndërmjet Juventusit dhe Barcelonës.
“Zonja e Vjetër” është gati krejtësisht për një marrëveshje të tillë dhe pret vetëm “ok” nga Barcelona.
Pjanic po pret me padurim të realizojë ëndrrën e tij të madhe të luaj në Spanjë dhe Barça e do në skuadër. Problemi i vetëm i mungesës së marrëveshjes ishte kundërshtimi i Arthur.
Braziliani nuk donte të largohej, por Setien ka ndërmarrë një tjetër hap të rëndësishëm. Ai a ka lënë mesfushorin të stërvitet me rezervat duke ia bërë të qartë se nuk e dëshiron në skuadër. Tuttosport shkruan se diçka e tillë e ka tunduar shumë.
