Nëntë persona të tjerë kanë rezultuar pozitiv me COVID-19 në 24 orët e fundit nga 146 teste të realizuar.
Rastet e reja i përkasin: 5 në Tiranë, 3 në Durrës dhe 1 në Shkodër.
Gjatë 24 orëve të fundit betejën me COVID-19 në vendin tonë e kanë fituar dhe 6 pacientë të tjerë.
Aktualisht në spitalin Infektiv, janë të shtruar 15 pacientë, 4 prej tyre janë në terapi intensive.
Në total numri i të prekurëve me koronavirus në vendin tonë ka arritur në 998 të infektuar. Prej tyre, rreth 79% janë të shëruar. Në vendin tonë aktualisht janë 177 persona aktivë me COVID19, kryesisht në Tiranë, Durrës Krujë, Shkodër.
Pas më shumë se 3 javësh pa humbje jete nga COVID19, gjatë mbrëmjes së kaluar ka ndërruar jetë një 64-vjeçare nga Tirana, e cila vuante nga limfoma e trurit. Pavarësisht përpjekjeve të stafit mjekësor, fatkeqësisht 64-vjeçarja nuk ja doli të mbijetojë.
Që nga fillimi i epidemisë, në Shqipëri kanë humbur jetën 32 qytetarë me COVID19
COVID-19 – Statistika (24 Maj 2020)
Testime totale 14605
Testime molekulare 13279
Testime serologjike 1326
Raste pozitive 998
Raste të shëruara 789
Raste Aktive 177
Humbje jete 32 (Qarku Tiranë 19, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 60
Durrës 53
Krujë 27
Shkodër 11
Berat 10
Kamëz 9
Fier 4
Elbasan 1
Mirditë 1
Korçë 1
