Nga 306 teste të realizuara në 24 orët e fundit në Kosovë, 7 prej tyre kanë rezultuar pozitiv me COVID-19.
Rastet e reja janë raste kontakti nga: komuna e Prizrenit 3 raste, komuna e Vushtrrisë 3 raste dhe 1 rast me vendbanim në Prishtinë. Numri në total i të prekurëve nga koronavirusi në Kosovë ka arritur në 1032 persona.
Gjatë 24 orëve të fundit betejën me COVID-19 e kanë fituar dhe 3 pacientë të tjerë duke e çuar në 785 numrin total të të shëruarëve në vend.
Në Kosovë janë shënuar gjithsej dhe 29 viktima nga koronavirusi, të cilët kanë pasur sëmundje të tjera shoqëruese.
