Kryeministri Edi Rama njoftoi mbrëmjen e së premtes mbylljen në fundjavë, pa dhënë asnjë shpjegim bindës për këtë masë izolimi.
E ndërsa gjatë javës vendi shkoi drejt hapjes, Kryeministri u kujtua që në fundjavë të mbyllë qytetarët në shtëpi, duke rikthyer fashat orare dhe kategoritë që lejoheshin të dilnin.
Por ajo që ra në sy ishte fakti se masat e Ramës, që nuk bazohen në asnjë logjikë epidemiologjike, janë shpërfillur nga qytetarët.
Dhe për pasojë në rrugë ka dalë policia, e cila pa numra identifikues, i kërkonte pronarëve të bizneseve të mbylleshin, apo qytetarëve që të respektonin masat e shpallur nga Kryeministri.
Duket se heqja e numrave identifikues nga uniforma e policëve po kthehet në një gjë rutinë, megjithëse është e paligjshme.
Denoncimi është bërë në rrjetet sociale edhe nga ish-Kryeministri Sali Berisha.
