Albi Doka duke filluar nga sezoni i ardhshëm nuk do të jetë më pjesë e Tiranës dhe Kategorisë Superiore. 22-vjeçari të cilit i skadon kontrata me bardheblutë ka arritur akordin me skuadrën kroate të HNK Goricas me të cilët do të firmosë për 2-vjet.
Doka tashmë mund të largohet i lumtur nga Tirana pasi me shumë gjasa do të fitojë titullin me bardheblutë në këtë sezon. Nuk dihet ende nëse bardheblutë do të përfitojnë diçka nga largimi i Albi Dokës, por duke qenë se lojtari nuk ka më kontratë me bardheblutë dhe më 26 qershor do të mbushë 23-vjeç që i heq mundësinë Tiranës për të fituar taksën e formimit diçka e tillë do të jetë e vështirë.
