Knut Fleckenstein, ish-eurodeputeti dhe ish-raportuesi për Shqipërinë në Parlamentin Europian, është punësuar nga kryetari i Kuvendit të Shqipërisë, Gramoz Ruçi. Ruçi e ka emëruar Fleckenstein, “këshilltar për integrimin” në kabinetin e tij.
Për detyrën e re, ka reaguar dhe ish-eurodeputeti, i cili në një postim në rrjetet sociale shkruan: “I lumtur që të që të filloj punën për anëtarësimin e plotë të Shqipërisë në BE. Parlamenti shqiptar po luan një rol të rëndësishëm në këtë proces. Faleminderit kreut të Kuvendit për besimin e tij. Mezi e pres bashkëpunimin me të gjithë aktorët shqiptarë”.
Knut Fleckenstein, gjatë kohës që ka mbajtur detyrën e raportuesit për Shqipërinë në Parlamentin Europian, është akuzuar si mbështetës i kryeministrit Edi Rama dhe qeverisë së tij, duke dëmtuar interesat e Shqipërisë. Me qëndrimet e tij, Fleckenstein është pozicionuar disa herë kundër opozitës, si në rastet e djegies së mandateve apo edhe protestave të vitit 2019.
Ndërsa ka dalë në mbështetje të qeverisë së drejtuar nga Rama teksa kritikoi Bashkimin Europian për mohapjen e negociatave me Shqipërinë vitin e kaluar.
Ndërkohë, ai është akuzuar nga opozita se po i shërbente Ramës me mosreagimet për cenet e qeverisë shqiptare, si keqqeverisja, vjedhjet me tenderat, korrupsioni apo çështja e trafiku të drogës.
Marrëdhëniet mes Fleckenstein dhe socialistëve, mesa duket kanë shkuar fjollë, teksa kryetari i Kuvendit Gramoz Ruçi ka vendosur ta punësojë si këshilltarin e vet.
