Ish-ylli i WWE, Shad Gaspard, ka ndërruar jetë në mënyrë tragjike. Trupi i tij i pajetë është gjetur në det tre ditë pasi humbi në “Venice Beach”.
39-vjeçari dhe djali i tij po notonin të dielën pasdite, ndërsa u goditën nga një rrymë detare e fortë. Rojet e shpëtimit arritën të shpëtonin me sukses djalin 10-vjeçar së pari, por nuk ishin në gjendje të shpëtonin Gaspard, i cili më pas u shpall i zhdukur.
Sipas personave që bënë të mundur shpëtimin e fëmijës, Shad udhëzoi rojet e shpëtimit për të shpëtuar së pari të birin, duke e mbajtur atë mbi ujë. Ndërsa kur ata u rikthyen trupi i ish-sportistit nuk u gjet më.
